FOZAS MORI'AS

Gianteris m'hat iscrittu
un'emigradu,
cumpanzu meu 'e giogos a minore.
Non cumprendo, però ,
su chi mi narat,
ca sa littera
chi m'hat indirizzadu ,
isse, forsis, l'iscriet a sa terra,
a sos atunzos
de sa terra sua.
Ma su chi m'hat iscrittu:
"Est custa puru "hojarasca", Gabriel,
fozas mortas
a tribulu iil su 'entu.
E su dolore est cuddu,
su 'entu est su matessi,
bentu 'e Macondo,
antigu,
che a totu sos males de sa terra ...
S'impresa 'e sas bananas
hat finidu. Mi ch'ando;
deo torro a domo mia.
Forsis torro
pro contu 'e sos tramuntos;
ma su die ...
su die
hat sidis de naschidas ancora.
Ma cantu, cantu piuerel
Duas tilighertas
ch'essini
e si fuin dae su lettu... "