A S'ASSUNTA
GOSOS


Già chi ses Mama Divina
altu podere t'han dadu:
s'incredulu traviadu
torr'a sa Santa dottrina.

De Giuachinu e Anna
su caru
dilettu amore!
Insinz'a su peccadore
de Paradisu sa janna.
Allevia sa cundanna
a dogn'anima mischina.

Cudd'anghelu Serafinu
chi sa notiscia ti dada

nendedi: ses destinada
a mama de su Bambinu;
dat s'annunziu Divinu
da-e terra 'e Palestina.

Cun cussa maternidade
avveràda pro incantu

cheret s'Ispiridu Santu
redimer s'umanidade
e nd'has tue facultade
send'immortale reina.

Ses da-e tempus lontanu
invocada dogni die
e renden onor'a Tie
in su mese Marianu

cun rosarios in manu
ti cumprian sa noìna.

Già chi ses Tue Maria

veneràd'in dogni terra

faghe zessar'ogni gherra

salva s'umana zenìa

ca males e carestia
sun semenende ruìna.

Tue
Santissima Mama
de su Cristos Nazarenu!
Ogn'incredulu terrenu
misticamente infiama
e a s'ordine lu giama

santamente l'incamina.


Giovanni Soggiu
Nato a Bonnanaro 17/07/934
Residenta ad Alehero
Via
G.Mazzini 141 CAP. 07041
Tel. 079/950801