SU CARRASEGARE 'E SA VIDA


Nos carazzamos
pro no'esser' su chi semus;
nos carazzamos
pro cherrer'esser'su chi non semus
Cun carazzas de onzi colore
nos carazzamos:
covacchendenos sa cara
de allegria risulana

sende su coro penende
de tristura e de piantu...
cun duna gana 'e riere
e de cantare.

Ma cando

s'abbenienzia 'e sa vida

malamente nos iscarazzat
e nos lassat nuda sa cara

nos sentimos offesos

ca leadu nos hat...
sa parte fintosa

in sa cummedia chi fimis rezitende
su carrasegare 'e sa vida
!