FRIARGIU SINNIESU

In d'una di de su mesi prus basciu
chi spuntendi su Soli ín Codoleddu
senz'e bistiri,mandad unu fasciu
de raius di oru a dogna casteddu:
s'aria cria su fumu nò sulad a pendi
e dormid in paxi dona coromeddu;
Su puradori a Plunu Sili andendi
in sa sedda si girad a mirai
sa punt'a susu chi fatt'ha sudendi.
Ma is ogus non podint torrai
de su scerariu ch'in d'unu mangíanu
de fríargiu su sartu scid donai
in su puntu prus altu de su pranu
chi dominad intera sa distesa
finas a mari da su Campidanu.
Che giovunedda de rara bellesa
chi andad sposa mudad'e cando
riapparid sa campana Sinniesa:
milionis de mindulas in flori
de biancu sa terra hat'ammantau
che niada de manus de spessorl;
In mesu a tanti biancori s'abitau
fumiendi parid'essi unu masoni
candu su monti è totu carrixau;
inis terras obertas sa idazzoni
velluttada de birdí è una speranza
po chini bívid de arAlud'e marroni.
Totu è calma e,solu in lontananza
de is tallus ammamendi in su cuili
sa famigona s'intendit allamanza.
E su massaiu innis'in Plan'e Sili
in cussu limpiu e pasidu mengianu
narad friargiu Prus bellu è di aprili
custu mesi po nosu è un beranu
parid sa terra tot'unu frageri
chi promittid su beni a larga manu.
Si benghessid a Innoi su furisteri
chi sa Sardigna pintad cinixada
iad a mudai tintas e paperi
sa terra nostra ten'amorada.

Marreri


SU MESSAIU BURCEESU

Candu po s'erba terrad in s'attongiu s'albori
su burceesu partid po suterrai su lori
chi prazzid cun is dentia,poita è mellus arau
su Prigu oppuru s'orgiu,di essiri mandigau.
Cun totu sa famiglia e animalis impari,
cument'e candu ia Morus bessianta de su mari.
E lompiu a su narboni,po tratenni s'araxi
si prantad unu stazzu cun frascas de deunaxi;
pustis ponnid in motu is ainas pasiadas
sperendi chi su sori non d'infundad debadas.
Pesad chizzi po ponni pala a su giuxeddu
e candu stampad aria zerriad su matucheddu;
si sterrint sa brenti a pan'i orgiu tostau,
giungid is bois e arad finas a soli intrau.
Pesad puru sa sposa,s'allattad su pippiu,
prazzid su pani a is fillus e currid a s'arriu
po s'acqua chi abbisongiad a coi fà manna a lissu;
lassad a totus solus e currid aud'est'issu;
inni marrad e turad su lori arrutu in foras
torrad po attendi is fillus dogna parigh'i oras.
Solu a su merì stuad in terra su marroni
po preparai sa xena de langiu minestroni.
E finzamenti dormint in cussa barrachedda
E totus a una foxina che sirbonis de xedda.
Aici passad sa vida su messaiu montraxiu
famighendi po podi preni una di su scraxiu;
ma medas annus tristus ghettad s'argiola a dusu
e insandu s'abbisongiu nò tennid fini prusu;
bramad de tenni fini cussa vida be ffada
po gosai in s'atru mundu sa gioia innoi negada.
Bengad a innos e provid custu bivir'e cani
chini sez ' e sudori pappad moddi su pani,
poita solu addu liggi non podid mai crei
dogna di deppid cantà a su messai'e Burcei.


FRUTTU PROIBIU

In sa matta follosa pendi pendi
passen'accanta dogna di ti biu
fruttu deliziosu,e deu sidiu
mancu sa manu nò ti pozzu tendi.

Tutu su pagu chi tengu ema a ispendi
po ti tenni una di in su prattu miu
ma su destinu nieddu ha proibiu
poberu a mei de ti podi bendi.

Sbudias aicu passant is dis mias
finas a candu tindi segad unu
chi forzis mancu disiggiau t'ha mai.

Disingannau insandu app'a circai
in ateru frageri ;ma nisciunu
m'had'a podi che tui mov'is salias.

Marreri