Destruidura

Arriu
arriu miu
ti circu e no ti biu
no sesi prusu innoi
imoi t-ant-arrimau
ind-unu-aturu letu
leju tostau
fatu de cimentu
no prus perdas e arrocas
joganta impari a tui
ma muntonis cadotzus de arrefudus
e de erba burda malintranniada
ki strobat su caminu a s-akua tua
notzenti e limpia nu tempus
parriada ki fueddara
scraccaliendi
a su viadori sidiu
prangit su coru miu
castiendi sa manera
ki t-ant scempiau
ma kini sid-at nau a custa genti
de destrui su spantu
e puru totu cantu
at creau sa natura
in custu praneta?