CUN SA VIDI

A innnias de-i custu tempu,in sa sorti
mai connotta e tanti in arremòni,
s'umanidadi cun idea forti
passillad'e ndi circad'arrexioni;

A bortas usad'a si fai corti
de meravigliosa visioni,
a bortas in'is'umbras de sa morti
perdid de su passillu su stradoni ,

Solu sa vidi firma,facultudi
ponid de siguranzia costanti
in d'unu tempus sempiri cuntentu

A-innias de-i custu mundu de tranontu
pustis de una vida viandanti
in su sorenu de sioternidadi


ADDIU

Addiu, m'has nau, addiu
in s'uttongiàda trista
dulci, de dogna miu
penzamentu, maista...

E is follas menguianta
in'is mattas sidias,
cun issas nd'arruiunta
is-i speranzas mias

Appustis tottu a giru
S' ierru trumentosu
passad'in su sospiru
de su primau sposu

S'ierru! Ho notti frida,
rosa severa teneb
chi no tenid sighida
de noa primavera

"MAMMAMIA"


"TORRADA"

Torràda ses, in facci su scuntentu
portendu de sa fatta passillàda
priva de su superbu portamentu
de s'ora chi ti ses allontanàda

Senz' 'e fiducia de rinnovamentu
po sa bellesa chi s'est'ispacciàda,
forzis a bivi cun ripenzamentu
sperendu piedadi ses torrada

Penzosu de s'amori chi m'has tentu
po ti sciri scunfortada
pontia de su fattu sperimentu

arregordu comenti t' app'amada
e lassu s'umbra de su mannu assenti
gosus de vida passàda