COSA CILCHI
PENSAMENTU?


Essenz'alcana senza massa e pésu

più licéli e veloci di la luci

cosa cilchi
undi curri oltre la carri?

Ma ca' folzi e ca' stimuli t'inducini

cal'impulsi ti spingjni luntanu
veldi funtani di luci e di paci?

Palchi cilchi e ti spandi
oltre li spundi di lu mundu immensu

illu cosmu minusculu invisibili

mentre chissu chi cilchi è
forsi
in te?

Addarétu a muragli oscuri d'umbra
inconsciamenti cilchi mundi màgichi

inavvingjibili enti (1) di mistéru
chi menti umana cuntiné no' p.

Torra 'ndarétu!
In sinu a la to' carri
occurri chi tu torri e cilchi bè:
un mundu in drentu a te v'à senza limiti.

Un mundu smisuratu chi risidi
in un colpu più strintu
indilatàbili:
cunzettu incuncipibili
ma véru.

È com'e lu pinséri chjusu in drentu
A la scàtula crànica strintissima
chi cuncipiggja mundi inmensi in sinu.

S'esisti avvéru lu chi cilchi fora

e sé' siguru ch'è comu lu pensi

cumputa be' in drentu a lu to' còri:

puru s'è smisuratu e grandiósu

pò stawi tuttu intréu in un cuciólu
cussi comu pò stavvi amóri immensu.



1 enti = in questo caso e singolare.

Giacomo Murrighili

nato a Tempio il 25/01/1923

residente nella fraz. Enas
v. Mameli
2
07020 LOIRI (SS.)
(tel. 0789/41210).