Amadore
CONSIZU A UNU PASTORE

Pastore tue ti crese
Lu potto immaginare
Bastat solu abbaidare
Pre ischire chie sese.

Ses pastore lu cumprendo
Ma nuvellu ses seguru
Tue times a s'iscuru
A narre chi ti l'intende.

Chìrca como d'imparare
Chi est tottu bene ischire
E gai podes beddire
Ses fruttos chi podes dare,

Faina usa cumprida
E cominza arregionare
Ca ti podes cogiuare
E as pane a totta chida.

Bindada chi segna gai
Pianta lis paren rosa
Tue 'nd'ischis calchi cosa
Ma non ti desizas mai.

Puddighinus e non giuru
Crettan casa ogni die
Ma si demandana a tie
Su die t'est sempre iscuru.

Truva truva ses cun Deu
Pensa sempre a su Ch'est bonu
Sos pagadu e ne indenu
Istas bene a parrer meu.

Non ses tue ne su cane
Non ses tue immiseridu
S'ischis cantos nd'happo 'idu
Chi ancora ne han pane.

Ses pienu e coleridu
Ma sinzeru indifferente
E 'i sa povera zente
T'hada in core custididu.

Ama sempre s'onestade
Su trabagliu pro sa vida
Solu cust'é stabellida
Cando s'usa caridade.


REZIDI SA VISITA DE UNU AMIGU

Niunu comente a tie piedade
Ndas tentu a mi haere visitadu
In custu logu tristu abbandonadu,
Ue est morta sa mia libertade.
Certamente chi sa tua caridade
M'ae su coro 'e nou cunfortadu;
Ma non so' solu, ma 'idende a tie
Mi pares tue peus de a mie.

Tremende t' 'ido, amigu, sas laras,
Tristu in coro e bido falende
Lagrimas oaldas, e paren nerzende,
Chi sun pro te sas bruttas annadas.
Non piangas, amigu, ma cumprende
Chi sas mias sun tristas e amaras
Pius chi non sas tuas invocadas.
Asculta chi non ses solu pianghende.

A pagos annos de custa vida mia,
E non bidede nè amore e nè cunfortu,
Comente isohis, babbu si ch'est mortu
In aa minore edade, in pizzinnia;
E restada m'est solu mamma mia,
Problema chi mi restad' inrisoltu,
Anzis pro mi dare pius pena
Vivo teraccheddu in domo anzena.

Sa morte mi ha leadu sa fortuna
Pro babbu, e non bido s'orizzonte;
S'infortuna mi legge se in sa fronte,
Che i sa mia noa d'inoontras una:
Su sole m'ha cuadu terra e luna,
Sas abbas m'han distruttu ogni ponte;
Ma so' seguru chi a paris meu
S' ha da esser pintidu finzas Deu.

Tue solu, amigu, as postu motu
Pro mi fagher sinzera cumpagnia.
Saludami sa tua cara familìa
E de su nadu non des fettas contu.
E narali a sa cara mamma mia
Chi l'isetto e lu so' sempre pronta,
Chi so' allegru e chi cun tegus rio
E si mi dana sa paga bi l'imbio.


TRISTA SA SOLITUDINE DE SU PASTOREDDU

Sa campagna ii atti su terrore
E vive cun su core in oriolu.
Su frittu si mi 'nd'eni solu sol
u Si pense a sa vida 'e su pastore,
Custa vida infelice senza amore
La cheria passare a unu 'elu
Eppuru mi aumenta sa tristura
Su rigore 'e sa morte sa paura.

Calchi oelta s'intendis su sonare.
Su pesante reppiccu 'e sa campana.
Fi notte de ammentu e non fi vana
Promissa fatt 'e la rispettare
E mi fi tantu s'idea cun sa gana
D'esse prepensu a mic'avviare.
Eppure la passai suspirende
Cun sa lagrima in s'egiu pianghende.

Sos puzzones mi giaman: ciu ciu;
Su sero cun s'issore serenada.
Su manzanu est diversu: adiu adiu.
Torramus pro passare sa nottada
E belan pro chircare su cerviu
In campos ed in terras laoradas:
In comune sa sorte est signalada
Chi 'nde chirca e chie non 'nd'ada.

Su notte cando fala cuss'astrau
Sa campagna la 'ides totta in luttu,
Cussu velu nieddu frittu asciuttu
Ch'in terra non bi faghis unu giau.
E suffre si sa robba no dat fruttu.
Siccu mi pare che unu cannau
tantu est sa pena ohi ai dada
Chi "nde piango si non dana intrada.

E reste inoghe totta ganta die
Fattu sa robba a contivizzeddu
dunu non dada a mie unu faeddu
Si no est s'ama nademi: a chie?
In palas gitte unu cappetteddu
Prontu pro sa tempestas de su nie:
Nudu, isculzu e male combinadu
De fagher pena a chie m'ha criadu.