Afficos

Agguantu meda in bértula apo postu
pro attulare terninu in sos anneos
e bettare s'abbarzu in sas peleas
de s'abbunzu 'e rebattu costoidu.
Da' cappa af fianzadu 'e baliadura
astraos rangulende 'e ingannia
laorzadu apo allinzos e isperas
in sa 'iddia 'e chelu imbidriadu.
Como isetto beranu... e s'incunza...
ma custu afficu meu est taruladu
da' sa duda funguda chi s'astore
de sa venga malésiga a s'accua
bicculadu at su ranu ingraidadu
da' f'amore 'e tempus benidore...
Arressare non poto fadu e sorte

ma si cheret s'ostinu annada mala
apo torra a chertare tirriosu!



Benito Saba
Via S. Marras
6 - 07100 Sassari
Tel. 079 29 13 83 - 340 8077504 - 349 2650999
(Benito Saba est naschidu in Cagliari su 16-03-1936.
Est originariu 'e Bunnannaru)