UMBRAS

In lughes impiuradas ,
chenza paghe,
traessan
umbras ventureras,
in sas iscazas de sole
chi arrustit sas sidas
in sa terra arrumbada
a zigantes de rocca;
inue si perdet
s'ispasimu,
'e su seberu
de sas dies caladas
in sa terra granida.
In cue sighit,
su sidis
a cunsumire sas ascias
bias,
de su semene
abbratzadu,
suspirende in sas nues
su roccu 'e sa vida.
E cun s'umbra
a costazu
pessighin unu zuffu
'e ispera
belidas de anzone;
semenzas
de custa terra
'e istinchiddas,
de fozas arridas,
chi su 'entu
isfaghet
in fumu 'e cristallu,
chilchende
lughe isgiannada,
pro umbras
chenza paghe.