Concorso alla festa della Madonna
del Rimedio in Ozieri

Supplicazioni alla Madonna

Ottieri, orgogliosu anda e fieru,
unidu e cumpattu sempre resta
fide e devozione manifesta
cun coro bonu, intimu e sinceru
daghi a sa Mama de su mundu interu
ti sese apprestande a fagher festa
ca pro dirittu ti lu han cuncediu,
a venerare a Maria e su Rimediu.

2.
Tue mama e su Deus Onnipotente,
pottas cumparire in donzi podiu
unire pottas sa mundana zente,
azzeggata e vendettas e de odiu
protegger pottasa su Mediu Oriente,
logu pro te distintu e troppu nodiu
pro su sambene versadu e fizu tou,
faghe chi no iscurrat dae nou.

3.
Sas gherras perfidas,brutales,crudeles,
sas chi cummittin gestos inumanos
populos asiaticos e africanos,
torren leales, sinceros fideles
lassande odios, rancores e feles,
las'imbolen sas'armas dae manos
rispettande umanu ogni dirittu,
de Persia, d'Israele o de s'Egittu.

4.
Tue Maria nde manda sos'abbaglios,
cun raios d' oro ill umina ogni mente
modu & fa ghe e curreger sos'isbaglios,
dae salude a dogni sufferente
rende ricupensados sos tribaglios,
pro poder prosperare mundu e zente
rende saggios, umanos sos'omines,
senza razismos, cetos, ne confines.

5.
A Ottieri li rende sa bundanzia,
de armentos de fruttos e salude
mansuetu lu torres ogni rude,
impastadu e presumu e d'ignoranzia
raviva in d'ogni coro s'isperanzia
a duas manos sas grazias nd'iscude
consola sos c'han cronicos dolores,
de infantiles, de mannos e minores.

6.
Sos de sa festa organizzadores,
omines senza neu e ne rimursu
mancari a tardu e fora e cuncursu
accettade sas'operas minores
s'a s'ultimu momentu soe accursu
a pedire a Maria sos favores
chi cun sa sua Divina podestade,
salvede cust'afflitta umanidade.

augurande in cust'opera modesta,
in' annu annu fattedas menzus festa.

Antonio Porcu
Ozieri Settembre 1957