AL CONCORSO DI POESIA/CITTA DI OZIERI-Tema., su massaiu

cun caddos, cun boes e trattore
Arada s u massaiu a mesu mundu
No ha cadrigias chi arad'a fundu
Cun entusiasmu e cun ardore.
L'etada e lu trabaglia a premore
Chessi su sannigone russu e brundu
Lu concimada a. bero e no pro finta
E lu messada cand'est a canna pinta.

Preparad beraniles e balvatu .
Cun bedustu de fae e de asolu
Arat cun zente anzena e solu
Sempre cuntifizzosu andat in fattu
Sattacat in campagna ad'ogni rattu
Pro n'aer isse et atteros consolu
E poi chi ha finidu n'este a bolu
Cuntentu e su trabagliu ch'isse ha fattu
In d'ogni nazione isse ha aradu
E ha fattu fruttare sa campagna
Cun sa fadica e cun s'intelligenzia.
Faghet a sas tempestas resistenzia
Sincontred in u campu o in montagna
Ca isse est sa muraglia de istadu.

Sempre e bistadu male prozedidu
Essende de sa vida su piú bellu
Sempre in affannos penas e flagellu
Ne rispettadu l'han ne favoridu
Ca invece de I'aer 'assistidu
L'ana tancadu in murru su cancellu
comente istrazzu de masellu
In s'oru de s a idda l'han frundidu.

Isse non d'ada asciadu mai runcu
Ch'issa comente unu dimandone
Avvilidu e non b'essit a piatta.
Istad fina cun s'alva chena fatta
Cun sos trastes de dossu a pellinzone
Ei sos bottes ligados a giuncu.

Pro isse ogni cosa est sempre varia
Li sun tottu contrarios sos bentos
Cando isettad sa frina nezessaria
Ca una non b'indada umanitaria
Pro passare felice sos momentos
Sempre aggravadu e tantos pagamentos
A parte d'ogni annada ch'est contraria.
trabagliad die e notte ogni stagione
Su terrinu bagnendelu a suore
cun tantu contivizzu a s'isfunada.
Como da ghi as sa terra preparada
Non bet bonzas neunu laore
Piantas de cipressu bei pone.

Mores,li I2 settembre 1957
Casu Ezio.