Sun degh'annos passados da su die
Ches partidu Franzisc'a soldadare

Dispedindesi nos a nadu asie,
Cando sa mamma sa devidu abrazare
A frades sorres losposas e parentes.
Chi cherimis pro isse lacrimare...
Deo parto a lontanos centinentes
A ue bi es gherra ue su fogu
Ue sunu sas tigres sos serpentes.
E partidu est'iscuru a cussu logu
pro difendere sa Patria orgogliosu
A issu su gherrare li fi giogu
Fi fieru robustu e coragiosu
E ad'adapidu incomios solennes
Ses distintu pro esser valorosu
isse es peridu funtanas perenne
Sun sos oios de Mamma diventados
De isposa e de fizos minorennes
A oe gia degh 'annos sun passodos
Da tando, e Mamma isposa sorres frades
E fizzos sun'ancora addoIorados
In paghe santa in noas'amistades
Es torradu su mundu a cale fruttos
Damos tantu se sas ostilidades

Famene corruziene orrendos luttos
Distruzione infamidade e peste
Istesimi de sa gherra :sos tributtos
Como postu an de nou s'asta in rresta
Sos chi su mundu rezene, o vicina
Es pro nois sa terza ira funesta
D'eri sero cund'una cartolina
Che a Franziscu,a mie ana giamadu
h E Mamma es pianghende poverina,
Franziscu de sos moros divoradu
Pro difendere s'idea italiana
h como bandas tue fizu amadu
Pro ghie cale meritos ti d'ana
Ite difendes cale nazione
Cale banderanes ghia soberana
Povera Mamma mia ndi reione
.De susperare de piangher forte
Ti l'obliga s'umana ambizione
Prima,su fizu mannu trista sorte
A tentu in sos desertos africanos
Como so eo votadu a sa morte
hE cantu orgogliu sos ltalianos
Demus tener de morrere a favore
De ruios o de attores tiranos
Senza su gloriosu tricolore

(Mureddu Carlo)
Sassari Viale Italia N°46