SA PASSENTZIA DE GIOBBE

Sa passentzia o pascenscia de
Giobbe est diventada proverbiale e
benit ammentada candho una pessone
s'agatat in dificurtades chi li proant
deaberu sa pascenscia.

Custu modu de narrer nachi est
bennidu a conca medas bortas
a
Luisa
in su 2002/2003
passendhe in
s'istrada 131
andhendhe dae Thathari
a su Meilogu e sighindhe
carchi orta

fintzas a Cagliari. Sa torrada fit
semper sa matessi: "pro chie vivet dae
sa campagna ocannu bi cheret sa
passentzia de Giobbe!"

Ma chie est Giobbe? Est
un'omine de su cale faedhat unu liberu
de sa Bibbia
intituladu propriu
Giobbe. Isse fit proprietariu mannu de
terras e de bistiamene e teniat fizos
meda e fizas. Tott'in duna cuss'omine
riccu
sabiu
onestu e modellu de fide
in Deus si agatat senza benes e senza
fizos. Dae laras suas
candho benit a
ischire sos dannos chi li sunt
capitados
bessint custas peraulas:
- Nudu so 'essidu dae su sinu de
mama mia e nudu bi appo a torrare.

Su Segnore at dadu
su Segnore at
leadu
siat beneittu su nomen de su
Segnore! -
Pustis de pagu tempus si agatat
cun sa marturia subra sa carre sua.
Custa sufferentzia puru supportat cun
pascenscia
fintzas a candho no est
provocadu dae tres amigos suos. Issos
fint andhados a li fagher visita e a lu
pibiare pro sos males chi li fint ruttos
subra 'e palas
ma cun sos arrejonos
issoro l'attediant nendheli chi cussas
disauras de siguru li sunt bennidas pro
castigu de sos pecados suos. Est
s'unza chi che 'etat su cantare

comente si solit narrer. Giobbe non bi
la faghet pius
malaighet sa die chi est
naschidu e dimandhat a Deus de che lu
leare dae su mundhu.
Iscobertu custu modu de fagher
de Giobbe paret chi isse puru epat
perdidu sa passentzia e duncas non
siat beru chi isse siat unu modellu de
ammentare o de tenner a diciu. Ma su
contu non si serrat gai in curtzu e i su
poberu Giobbe tevet suportare a longu
s'insistentzia de sos amigos suos
chi
sighint in sa 'idea issoro e in logu de
lu cunfortare li aghesciant sas piaes


fintzas a candho Giobbe
delusu e
dispiaghidu pro sas peraulas e pro sa
arrogantzia issoro
non si ponet dae
nou tottu in manos de Deus.
Riconnoschet chi perun' omine
pro
cantu potat esser justu
si podet
agatare senza neu adananti de Deus.
Dimandhat perdonu pro sas peraulas
insensadas chi sunt bessidas dae 'ucca
sua in cussas oras de attediu.
Pro lu liberare dae sos amigos li
rispondhet Deus matessi e
dimandhat de ufrire sacrifitzios pro
ottenner su perdonu a sos amigos suos.
E a isse
chi adananti de Deus fit
deaberu justu
li dat torra salude
fizos
e benes pius de cantu ndhe teniat
innanti.
Custu est in pagas peraulas su
contu de su Giobbe pascenscile
ma
acò como unu Giobbe de su tempus
nostru
a su cale
Luisa
narat chi
pensaiat in cussos biazos. Lu
collocamos in su Logudoro (o in cale
si siat parte de sa Sardigna) in
s'annada agraria 2002/2003.
S'undhighi de austu de su 2002
est bistada una die de abba forte e sighida.
Ne pitzinnos
ne betzos teniant

teniant ammentu de una die de abba
gai in su mese de Austu. Giobbe
sa
die
narat: -Custa est una cosa mai
'ida
ne intesa.-
Pioet puru sas dies chi sighint e
pustis torrat su cardu
su cardu de
s'istiu
ma est pius friscu de su solitu.
Giobbe
pustis de.i cuss'abba

dogni die passat in sa 'inza e.i sa ua
est semper 'irde
non bi coghet.
Attraessendhe sa campagna Giobbe
notat chi sa terra est carpida meda e
pensat chi cussa abba fetat criare sa
terra. E gai capitat. In su jiru de carchi
chida sa campagna diventat birde.
Giobbe timet chi cuss'erva troppu
primmariìa morzat e.i s'annada siat
male avviada puru pro su bistiamene

ca est difitzile chi pioat ancora de
frecuente pro alimentare sa terra e pro
fagher crescher s'erva naschida
pro
sos logos nostros
fora 'e tempus.
Imbetzes dae tantu in tantu pioet
e posca torrat a fagher dies bonas e.i
s'erva creschet
ma sa 'inza est male
posta: sa ua est senza sabore e
pudrigada; dae die in die la 'idet
calendhesi a fumu. Tzertos amigos de
Giobbe
chi faghent solu sos binzate-

ris
li narant: - Tue ses ancora
fortunadu ca perdes sa ua e cun issa sa
pruvvista de su 'inu
ma ti restat
s'erva; nois
binzateris
semus perdindhe
su trabagliu de tottu s'annu -.
A Santu Aine sa terra est
coberta de erva comente capitaiat de la
'ider
in ateros annos
in su mese de
Abrile.
Giobbe pensat: - Su fruttu de sa
'inza l'amos perdidu
ma ocannu sas
berveghes campant senza mangime -.
Pustis sas berveghes cumintzant
anzare e.i sos anzonedhos ischirtiant
cuntentos. Sos cummerciantes
dae
parte issoro
si faghent sos contos e
detzidint: - Su preju de sos anzones
tevet esser basciu -.
Giobbe tenet bisonzu de 'endher
sos anzones. Parent bellos
ma sunt
lebios e los tevet dare puru a barattu.
Dadu chi non si los podet tenner tottu
pro pruvista los bendhet a su preju chi
curret
senza tenner sa possibilidade
de ponner isse su preju a sa cosa sua.
Iscannados sos anzones bintrat a
murgher
ma latte sas berveghes non
ndhe jughent. S'erva bella las faghet

bistare 'ene
ma latte non ndhe lis
faghet bintrare. Pustis de calchi chida
cumintzat a chirriare annile
ma cussa
antiga pratiga puru dat paga resa.
Passant Sant'Andria e Nadale.
A chidas variadas faghet tempus bonu
e tempus malu. Sos anzones de pesare
sunt istitados e
guasi tottu
sas
berveghes de madrigadu oramai sunt
istelladas. Ma bi at ateros probremas:
aurtinzu e mortalidade sunt frecuentes
In Bennarzu su tempus peorat;
dogni pedra est in abba e Giobbe
faghet matana meda caminendhe in
mesu de su ludu. A su campu piantadu
a cartzofa non si bi podet bintrare. In
sas tancas
comente in sos cunzados

s'erva cambiat colore: no est pius
birde
ma groga; est torta martzida. Su
bistiamene est malaidu
su topimene
dogni die curpit ateras berveghes chi
fint sanas e gai in pagas chidas sunt
tottu a una peadiga.
De sas duas sues
chi fint
prossimas
una est aurtida e i s'atera at
fattu solu duos porchedhos.
Arrivat Frearzu e umpare cun

isse: nie
ancora abba e frittu
cun
bidhia a prammu. S'erva no est solu
groga
ma brusciada. Abaidendhe sa
'idatone
narat Luisa
benit su disisperu.
In cussa chi pariat annada 'ona bi
cheret fenu e proendha
vitirinariu

vacinos e meighinas; tottu de pagare
luego dae busciaca
innanti de retzire
'inari pro su pagu latte murtu e juttu a
su casufitziu. Primma o poi bi l'ant a
pagare
ma bisonzat de antitzipare. E
dae inue? Dae su chi at postu a parte
in sas annadas passadas toccadas dae
sa siccagna
dae "Sa limba biaita" e
ateros malannos?
Como bi sunt sas Finantziarias

si non si cheret andhare a sas Bancas

e de tzertu su 'inari si buscat. Su malu
est chi a candho a lu torrare su
chentu
diventat "chent ottanta" o
dughentos
e.i su poberu Giobbe
pro
servare su capitale
tevet approendhare
puru sas Bancas e i sas Finantziarias.
Però tenet ispera in sas Leges
cussas
chi no faghent mai
ca s'impignu
printzipale de sos politicos nostros est
cussu de si brigare e candho resessint
a cungruire carchi Lege l'urdinzant in
modu tale chi bi cheret s'avocadu a la

la cumprendher e annos pro ottenner
su chi ant istabilidu
candho non
capitat chi su benefitziu cuntzessu non
lu cherfant torradu cun sos interessos.
E Giobbe ite faghet? Tratzat
comente bene podet sos carrones suos

isperendhe chi su tempus mezoret e li
fetant leges in favore. Ma pius de una
'orta si.la leat cun Deus
sos santos e
Nostra Segnora. Tottu divesciu dae su
Giobbe antigu chi beneighet a Deus
candho est riccu e candho che li 'enint
leados benes e fizos. Isse puru perdet
sa passentzia
ma solu adananti de sos
arrejonos istrambos de sos amigos
chi
lu cherent cunfortare cun peraulas chi
diventant fritzas e arrejonos similes a
unu processu. Imbetzes sos dannos e.i
sa marturia isse los atzetat cun
pascenscia e amore. Isse puru tiat
cherrer ischire proite tottu cussos
males li sunt capitados
ma
dadu chi
risposta a.i custa dimandha non ndhe
agatat
comente non sindhe agatat
nemmancu oe
isse si fidat de Deus e
lu sighit a rispettare. E Deus
chi
connoschet bene su chi isse est e.i su
chi at vividu
lu liberat dae sos
afannos e beneighet su trabagliu sou.

Comente est capitadu a Giobbe

su justu e pascenscile
gai sutzedat a
su Giobbe logudoresu de oe. Isse tenet
insinzamentos fortes dados dae su
babbu e dae sa mama
sa cale ancora
oe li narat: - Giobbe meu caru
ponedi
in paghe cun Deus
vive cun justesa e
fide in mesu a sas dificurtades de sa
vida e ti as a rendher contu chi Deus ti
abaidat cun amore et est prontu a ti
dare s'ajudu sou fintzas candho non
ti dat su chi tue tias cherrer.
Para coragiu
non timas e non
frastimes pius
ne a boghe arta ne a
boghe bascia. Non cherfas su male pro
niunu. Dimandha cun fide de di godire
de su trabagliu tou e de poder azuare a
chic tenet pius bisonzu de a tie.
Insinza a fizos tuos s'onestade

s'amore a Deus e.i sa fiducia in Isse.
Non ti affannes pro su chi pensant sos
ateros de a tie
ca Deus bidet su chi
tue ses
non su chi tue pares a sos ojos
de sos amigos o de sa zente. Isse ti
leget intro de su pensamentu e ischit
cantu passat in sas intragnas tuas. Non
li podes cuare nudha.
No perdas mai s'isperantzia
Como
Martu ti at batire unu pagu de

tempus bonu
mancari sa 'idhia epat
sighidu a brusciare s'erva. Su
bistiamene at a sanare. Non ti attristes
bidindhe sa terra ancora guasi nuda.
Sutta s'erva brusciada dae sa idhia at a
brotare s'erva noa e l'as a bider
lughindhe
infusta dae su lentore.
Torra a illistrire
a pudare e a
tzappare sa 'inza. Ammanitza sa terra
pro ponner s'ortaliscia. Forsis
occannu
sas abbas chi sunt bennidas

e.i sas chi
s'isperat
ant a benner in
Abrile e in Maju ant a cunsentire a su
trimmuriscu de torrare a crescher in
sas badhes nostras comente in tempos
passados. Tenedi contu sos mascios

chi a fine de Abrile o a Maju as a
bettare in su masone de sas berveghes
de madrigadu
prò dare cumintzu a
una annada noa in su pastorigonzu.
Tue ischis già chi sa vida est
una roda chi non tenet pasu. Ischis chi
dogni tempus benit e passat e non
durat pro semper ne.i su malu ne.i su
'onu. Solu Deus e.i s'anima tua

umpare a sas operas chi as fattu

faghes e as a fagher
restant pro
semper -.

Su contadu si frimmat a medade
de Martu de.i cussa annada
ma Luisa
narat chi
a parrer sou
a su "Giobbe
logudoresu" e pastore sardu in
generale
in custos annos e fintzas in
su 2005
tra affannos de annadas
malas
bistiamene malaidu
masones
distruttos dae sos vacinos obrigatorios

fogos e interessos pro pagamentos
arretrados
non li siant mancadas sas
ocasiones pro ponner in pratiga su
diciu antigu.