SA DIGNIDADE

A roma chèrzo fàgher sa protesta
a totaganta s'Autoridade...
si tènen bona sa mentalidade
organizzare una grande fèsta:
unire rispètu e vèra dignidade

cun mènte sana prospera e dìgna.

S'aèren tèntu bòn'atividade
in sos regulamèntos cun rispètu

dare a totu su fatu erètu
in custa vida pro netzessidade;
ca ès diritu pro s'Umanidade
de si fagher unu bònu cunzètu.
cun cussènzia pùra sèmpre sanu
comente donzi bònu cristianu.

cun vèra dignidade tantu prèstu
pro diritu presènto su signale...
pro totu tèvet'èssere uguale
su benèssere
istare onèstu:
su malandrinu e su disonestu
chi cambie' bidèa puntuale;
ca si b'àt una lèz'istabilìda
cun onòre si cambia' sa vida.

Pensendebèi cun s'opiniòne
si tènides cussènzia pulìda

e fatedas sa bòna resessìda
pro bène de s'intèra Nassiòne...
allegràde sa popolaziòne
cun onòre siat istituìda:
sa règula de bòn'atividade
pro mèritu de sa sotzièdade.

Pro benessere tantos cumplimèntos
a sa sotzièdade làssad'in paghe santa
sènza connòscher pènas e làmentos:
apreziade da cùstos momèntos
s'Umanidade tota bollu anta;
e pro decrètu siat in s'intèrnu
apreziada dae su Guvèrnu.