GOSOS DE PADRE PIO DE PIETRELCINA


Comot'han santificadu
E cun lodes mannas ascias
Padre Pio cantas grascias
A sa zente has'accansadu.

1) Cun fìama 'e cor'umanu
Ti pregamus de continu
Pro abberer su caminu
De su regnu soberanu
Pro chi dogni cristianu
Ti mired'incoronadu
Padre Pio cantas grascias
A sa zente has'accansadu.

2) Amaias s'Onnipotente
Cun sintzeru sentimentu
A pes tuos
a Cunventu

Tottu 'enian de repente
A chie fit sufferente
Su coraggiu l'has torradu
Padre Pio cantas grascias
A sa zente has'accansadu.

3) De Santu Juanne Tundu:
Ses sa prenda solìana

Ses sa oghe soberana
Chi s'isterrede in su mundu
E cun animu profundu
Ses dae tottu pretzìadu
Padre Pio cantas grascias
A sa zente has'accansadu.

4) Ses un'ànghelu ispantosu
c'a sa Chegia das'onores
sanas penas e dolores
a dogn'unu bisonzosu
Pro chi sias pìedosu
Cando ses'incumandadu.
Padre Pio cantas grascias
A sa zente has'accansadu.

5) De su populu ses ghia
Ca s'ispera ses divina;
Babbu santu 'e Pietrelcina
Sende a facca a su Messia
Cun bundanscia nos imbia
Dogni bene disizadu
Padre Pio cantas grascias
A sa zente has'accansadu.

6) Su meraculu nos faghe
Pro agabbare ogni terrore
E gosemas cun amore
In custas seas sas paghe.
Dogni pedra in su nuraghe
Un'istatua t'had asciadu.
Padre Pio cantas grascias
A sa zente has'accansadu.

7) Già chi t'hamus invocadu
salvanos dae sas disgrascias
Padre Pio cantas grascias
A Sa zente has'accansadu.


Vera Farris
Reg. Tuvu 'e Riu
Mores (SS)