Informazioni sull'opera
E BOLA
E bola pessamentu meu
bola;
bola subra mala unda de mare
lezeri
attesu potas andare
e giampende s'ignotos confines
insegus lassa bascios: machines
angustias e tribulias
cola.
Bola
bola pessamentu meu
alas ispartas a liberu 'entu
sena sas cadenas de turmentu
subra su faltzu orgogliu e rezelu;
e Brolende in sos prados de chelu
chi mai ti firmes
bola a s'arreu.
Bola pessamentu
bola ancora
subra a tanca laorada a friscu
sena timire infidele biscu
semena s'amore in cada ìa
pro nascher sulena roadìa
sas malas trassas bogache a fora.
Bola pessamentu in totu mundu
sighi semper consizos de coro
non t'alleriet su lutzigu doro
ne ti tentet lestru arrichimentu
chi aberit janna de perdimentu
d'allutu toffu
meda profundu.
E bola
bola in s'eternidade
potas 'ider frunidu sarmentu
de sa paghe
e d'iscentzia s'imbentu
d'una meraculosa meighina
destruer de male sa raighina
e chi siat sana s'umanidade.
Giuseppe Chiconi
Cossoine 23/06/1931
res. Sassari via L. Barzini n°11
Tel.079/291844
Titolo | E BOLA |
Sezione | |
Autore | Giuseppe Chiconi |
Nome | B20050014 |
Anno | 2005 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2005 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |