Informazioni sull'opera
De cada peràula
De cada peràula
est su coro làdinu
a nd'esartare significados:
sonu e sensu
de sa tzemia 'e limbazos.
S'atàbida nde cuvrenat
e acrarat sas istigas
candho su naschere atrividu
de mojos pessamentos
iscurret impidosu
che abba 'e riu
a s'isastragada 'eranile.
(Meledosu -forsis-
incunzo dae totu
e imbergo dae ateros
sos sonnios e su vivere
petindhe sa carena
a cada frina lezera
a cada peràula chi 'entulat
sas raighinas mias de Costera.
Groriadu dae meravizas
so urosu testimonzu—
chentza pasu iscrio
de su esìstere meu e anzenu
chi contivizat crastos e fiores
pro essere tragados e istrinados
comente ascra de umanidade
pro imbentare portos noos
e ateros "adiosu"
de ofèrrere in undhas de amore
cun sos sinnos atzudos
de cada peràula 'e Sardigna.
In su frundhagu ischìbbulu
de cust'animu disterradu
apo sempre unu versu
lassadu a mesincumentu
pro peràulas de identidade.
Crìstoforo Puddu (ILLORAI 25/04/1956)
Via Pavia
64
0382/67360
3479253822
Titolo | DE CADA PERÀULA |
Sezione | |
Autore | Cristoforo Puddu |
Nome | B20050056 |
Anno | 2005 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2005 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |