SIRINATA IN "SISTINA LIRICA"

Sciutati, Musa, e piddha la to' lira ;
veni ch'iscimu insembi chista séra,
pal fa la sirinata a la me' stéddha
illa carréra antica di l'ammenti.
Tèssimi versi, noti e dulci canti
sottu a lu 'ncantu di la luna chjara.
Sciòddhi, sirena lato' bòci chjara;
dilli chi l'amu ancòra; e cu' la lira
li noti di lu còri, tutti canti,
fa vibrà com'un tempu chista séra.
Sòlu cussìn ill'ànima m'ammenti
lu grand'amòri pa' l'antica stèddha.
La cunnuscisi ch'ér'ancòra sthéddha
beddha, attraenti, comu pura e chjara,
càndida vivi l'ànima ill'ammenti.
Paltantu sona ancòra la to' lira,
amica Musa, in mòdu chi staséra
s'acchjàri'a scultà lu chi tu canti.
Cussì partcchi, insembi a li to' canti,
cunnosciarani puru la me' stéddha
com'éra un tempu, e com'è 'ista séra;
comu l'hagghju illu còri linda e chjara;
comu l'allégru sonu di la lira
ill'ànima mi sciuta dulci ammenti.
Versi e mùsiga vivini ill'ammenti:
s'intrtcciani e s'accòldani a li canti
mentre tu, Musa, soni la to' lira,
e mentre illu passìziu la me stéddha,
mutata in traci di la luna chjara,
m'illuminigghja e rilchjara la séra.
Veni cun mécu e canta séra séra
ghjustu com'una 'olta (e ti n'ammenti?)
candu li versi e la to' boci chjara,
candu li noti e li to' dulci canti
in bracciu di Morféu la me stéddha
in sònniu ascultàa la to ' lira.
Veni , Musa, e allégra la me' séra ,
cunsòlami a lu mancu cu ' l'ammenti
di la to' lira e la to ' bòci chjara