A Ozieri e la sua festa del "Rimedio" Settembre 1956

Brillante istella de su Logudoro
Ses centru do ricchesa e civiltade
trettu pro trettu sa prima cittade
possidente de singulu tesoro,
cun miliones de prata e de oro
cun vastos saltos de propiedade
de lascitas segundu s'eredade
has gratuidu cun bonu decoro.

Tantos pro caridade cristiana
fatt ' han s'ospiziu ei s'ispidale
restad ancora sa fame immortale
de Grixoni s'artistica funtana
e frades Sechis ch'innalzadu hana
s'isplendida distinta cattedrale.

Oe tottu s ' intera cittadina
bido a sos pes tuos riunida
umile, decente, ben'estida
onorende a tie, Ata Reina;
e tue puru sias vicina
assistende in sas Tottas de sa vida,
essende tue s'unica Guida
in terra, e in sa patria divina,

Aggiua custu populu festante
chi onore ti cheret tributare
sa parte religiosa dae nante
cun cu divertimentu repolare
su cunitau cun su dilettante
nde restene cuntentos cant ' e pare.

Ed eo Peppe Fais Desulesu
s'ultimu resto si non potto in mesu.

F.G. Fais Giuseppe
Via Carlo Alberto N° 2

DESuLO