Donna Ruth, Donna Ester, Donna Noemi.
Figuras senza tempus,
imprentadas
in cassias de chercu chin s'isgubbia.
E tue, Efix, teraccu senza paga,
chin sa bertula garriga 'e rimursos,
Efix, camina.
Peri campos abertos
ue s'arzat froridu s'iscrareu,
subra sos montes aspros
ue han vida sos elighes nieddos
che pantasimas malas,
ti pissighidi andende
s'anima 'e Don Zame,
sa _m aligna
amma senza pasu
e iscramat vinditta e penetensia.
Efix, camina.
Corrasi, Bella Vista, Monte Uddè.
Efix, camina.
S'anima t'es fattu
e allonghiat sas francas dae onz'ala.
Bardia, Santu Juanne, Monte Nou.
Onzi tuppa 'e mudregu
unu rimursu acutu,
unu peccadu nou a donzi passu
e unu signu 'e rughe.
Longu es su caminu e malu, malu
ma non bastad ancora
a iscontare tottu sos peccados.
Sos peccados
s'iscontan prima 'e tottu in custa vida
e in s'atera poi.
Su samben ch'has ispartu
subra su monte 'e Galte
domandat penetensia, penetensia.
Efix, camina.
Peri campos abertos
ue s'arzat froridu s'iscrareu,
subra sos montes aspros
ue han vida sos elighes nieddos,
rimursos appostados,
camina, Efix, camina, fin'a cando
sutta su pesu 'e tantu penare
t'enin mancu sas forzas in caminu
e rues chin sos ogros a su chelu
e sos pes a sa janna.
Como has pasu.
Su penare es finidu.
Lughene in su caminu attraessadu
sos ranos de su trigu ei sos frores
de isperanzias noas.
Tue has fattu.
Su viazzu cumpridu ti ch'hat zuttu
a inue s'appianan sos cuntrastos
e umpare brindan meres e teraccos.
Gai, a sa muda, in punta 'e pes lezzeru
~ e a s ateru viazzu, senza fine,
m campos senza laccana
ue s'arzat froridu s'iscrareu
e murmuran sas cannas a su entu.