DEUS IN CADENA

No hap'essi' prus deu,
Deus in cadena,
si lampis-lampis
no t'hap' a circai
in is nuus chi accappiant
is frusius de is giogus
e is matas de olia.
No pramas punciudas
de penetenzias,
no fogus de inferrus
fuius,
no acuas de sanguni
tintas.
No,
no circu
s'erriu chi mussiat
is perdas.
ni su mari
chi mi zaccat su celu.
E po cussu
prus no cantu
s'innocenzia de is fueddus
chi infrissit
su poderi 'e su coru.
Su chi portu aintru
ti ddu torru.
Piga e pesa custa cadena
chene froris e chena spinas,
dd'hap'agatàda incampu, candu
sa temporàda m'hat sighìu.