PATTIU ASSURIADDU

In chissu pattiu assuriaddu
indì li bozi erani ischunisciddi ,
pusaddu in un gianniri
passa ba li dì pinsendi. ..
Lu sirenziu chi m'inghiriaba
m'aggiudaba a vidè luntanu.
No era fantasia lu disizu però
d'intindì una dì
una musiga, unu sonu
pa interrompi chisthu sirenziu.
Abiu bisognu puru di rumori,
pa ivrasiammi da li pinsamenti,
di no pudè incuntrà
caschunu ...
e cussì aggiu ischubbiaddu
li parauri beddi di lu sirenziu
e soggu ridisciddu a intrà
i lu cori di li passoni,
ridiscendi a vidè
lu chi no si vedi,
e a intindì
lu chi no s'intendi.