Informazioni sull'opera

TESTO


CUN 'OS'ATERUS


Fueddus
arestis
bruti,
bo bai
contra bentu
in pizziolu
po toccai
su coru de sa genti
appiccada in trà celu e terra
in fumaiolu.
Po 'os'aterus
gherreris chen' 'e tempus
areu de armentu antigu
si strantrudt lieru
custu cantu miu.
Scipiais,
no seis a solus,
s'accumpangiant in cumbatta
is balentis de 'ognia tempus
is banderas scorriobadas
de is minadoris de Bugerru
de su Sulcis
e tottu s'Iglesienti
is araus attrivius
de is messaius de sa Zeppara
is leppas luxentis
de is arrabellus de su connottu.
Cun 'os'aterus
fradis istimaus
camminat sa storia
de is bintus mai domaus.
In d'unu mengianu de spera
s'at a pesai airada sa boxi de s'accunnottu
is cuscienzias de is ominis volontarosus
s'ant a alliongiai a pari in su matessi cantu
e ant a fai in mill'arrogus
is bregungias de custu tempus.

SCHEDA DELL'OPERA
Titolo Cun 'os 'aterus
SezionePoesia
AutoreDino Maccioni
Nome 
Anno1994
Argomento 
Descrizione 
Lingua 
EditorePremio Ozieri
ContributoreATHENA SRL
Tipo 
Formato 
FontePremio Ozieri
RelazioneConcorso Premio Ozieri 1994
CoperturaLogudoro, Sardegna Italia
DirittiComune Ozieri, Premio Ozieri
Analisi del Testo