OTTANA

Ite chircas, pizzoccu chenza sorte
chin sos ocros mendaos de ispera?
Non tinde luchet prus de galabera:
ses che anzone in brazws de sa morte.
No as isettu ne santos in corte .
ne pecos turbas prus dae Costera,
no as prus ne furchetta ne cullera,
non ti difendes prus dae su forte.
Fis bene prozediu e ses ghirau
a ti facher banosu zittadinu;
incravattau, in bestes de cusinu,
non zuches su cherbeddu sudorau;
comma no ischis prus it'est s'arau
o sa chi si muttiat "barbacana",
non contat si pro cussu patis gana
da chi "signore" t'ana carculau.
Ischidadi demo'! Chi da est ora
chi mendes e chi torres a cuhile,
chi ingrasses dae nobu su fusile,
chi mandes sos zilleris in malora;
unta bene gambales e cattola,
falache sa taschedda dae su pasu,
in bertula ti pone pane e casu,
istacca su cabaddu dae sa mola
e ftcchili s'asprone, e bola ... e bola!