PASTORE

Unu pastore
andat e torrat
dae cubile a bidda
garrigu de anticas balentias.
Unu palatu pro domo
non cuzicat su fracu
chi li ponet fatu
dae sa mandra a casile.
Luchidu che oro
in sa beste de belludu
est bellu a lu mirare
dae innedda.
Berbecarju in padente
berbecarju a passizu
berbecarju in sa carena
berbecarju in s' anima.
Dae zilleri in zilleri
afocat
in d'una tassa de binu
s'amare e s'òdiu
chi li buddit in coro.
Sa betura
bolat che bentu
dae sa cussorja a bidda.
Unu pinnetu bòdiu
abarrat pro amentu
in sa tanca soliana.
hnbaradu a una contonada
unu pastore
est istranzu in bidda sua.