UNA 'OGHE ARCANA

Bestidu de istajones isvanessidas
e calzadu cun bottas de lusingas
cosidas a ispau de suspiros
cun sa lantla de sa fantasia
ando cun s'mnbra mia
a passos arcanos
peri utturinos pedrosos rebertos
buschende in fungudas
calancas de traschias
oras de dies male lobradas
pudende sa inza tarulada
de sos poveros annos mios.
Una 'oghe arcana
mi turmentat s'anima
murrunzendemi continu
chi a sa soziedade
dare devio meda 'e pius.
Si torrera insegus cun sos annos
mi pregunto amargadu:
,..- E ite mai l'hapo dadu? -
Si hapo sempre messadu senza sole
murinas ispigas d'amarguras
in iscias astroradas
de penas e affannos;
e binnennadu in palinzas pibiosas
budrones a budusciu de anneos
truppiados in sos laccheddos
de sos ojos mios;
e sighidas sufferenzias
si mi sunu giagadas in su coro.