SONNIOS DE PIZZINNA
Cando,
alas de neula
costoini sa realidade:
sonnios tuos de pizzinna
az.zenden' sa lughe
de su primu manzanu.
Arrunentos truncados
da-e sas umbras
de sa notte,
ti suguzzan sa mente
che paza a su 'entu.
Caminas ...
lebia e ispantada
in su mundu 'e sas ideas;
navigas ...
in sas undas de sa fantasia.
Tando,
rodulan ...
sos sonnios
che boccias coloridas.
Sas manos tuas
abbramidas de amore,
accoglini ...
su mudimine
de atteras nottes.
Sos ojos abbertos ...
a sa lughe
de atteros manzanos,
persighin sa vida,
e comente ispadas istinchiddantes,
marranan· su destinu ...