VU' CUMPRÀ

Incrubu sa schina casi a toccai sa terra
carrigu che' una matt'e mangrovia in sa spund'e su Niger;
arrefudau in i' seculus,
cun s'anima sola
camminu in sa jungla velenosa de sa cittadi.
Sa brenti, sbuida, mi sonat
che croccoriga siccada po is tam-tam
chi una borta biaxant in sa Savana.
Bivu
ma su surcu miu est giai stetiu signau
cun is cadenas e sa frusta de su "Karibu" biancu.
Bengu de sa terra de is datteris e de is cocodrillus,
aundi is dìis "atomicas" allarnpant su coru;
aundi is nottis appena alluttas, tremint fogus
in is ogus de is mammas ch'interrant is :fillus.
Dì e notti
bandu circhendi riscattu po su color'e sa peddi
offerendi cannacas, arrelogius e accendinus a sa genti
chi mi sighit cun castiadas suspettosas
chi mi pesant in i' zigumus abbumbaus
e in sa pezza stanca morta.
Seu unu "karibu" nieddu, senz'e perdonu
portu ainnantis sa sorti mia dolorosa
cantendi "spirituals" a mesu boxi.
Unu centimetru a sa di
bandu ainnantis desolau coment'e una piroga
senz'e pisca, sanziau, e a rezzas mortas
cun sa vida chi mi sangunat de is murrus grussus
e de is cari.gas affannadas.
E sa boxi mia est spuma,
est tam-tam
e malva cun sudori;
est box'e aniu,
box'e pezza strumpada,

de schina spollinca
e de cadena tragada:
sa boxi mia est boxi:
est boxi di Africa!