Drommi tesoro in su banzigu 'e linna
Murmuttende a su cantigu 'e mannedda
A mie puruin cue minoredda
Mi drommiat mannedda ninna ninna.
Drommi drommi chietta in su lacheddu
De su banzigu ch'est ninnende a tie
Chi lu fatteit pro ninnare a mie
De cariasa nebida manneddu.
Drommidi netta mia in santa paghe
In su lentolu 'e seda ricamadu
Cabidale e cuguzzos de broccadu
E tramatteda 'e puma e de ambaghe.
Faghedi manna e chi tenzas fortuna
Tantu ses tue s'afficcu 'e sa domo
Ca babbu e mama e sas mamas de como
Naran ch'est finzas troppu a'nd'aer una.
Drommi chi ses de domo su consolu
Cando cresches t'imparo a ninniare
Chin sa punta 'e sos pes a zogulare
E chin sa manu a moere su brazzolu.
Drommi chin sonnos bellos minoredda
Cand'assennada t'as a cojuare
Si m'agatto t'azzuo a ninniare
Pro como ascurta custa cantonedda.
Mama tua ti cheret sola in domo
Faghet origras surdas a mannedda Chi
de fizzos nd'at creschidu una chedda
E no fin tando sos tempos de comp.
Faghedi marna ona e ninnadora
A mama tua lassala cantare
Cando ses inganida 'e zogulare
Su banzigu frunidu ogalu a fora.
Netta mia no ruasa in peccadu
Ponzende fattu a su tempus in fua
Tue no fattas che a mama tua
No lu lassese su banzigu arrambadu.
Nicolino Pianu (Anela)
3° premio 2005
(Sezione tra poesia e canto «Pietro Pisurzi»)