Hai vattu d'oltremari
li iaggiu di l'andata?
La To' umbra a me è turrata
illu bolu di li dì!
E' turrata a lu me' cori
in trisoru di fìddoli
consulanti come frina,
è turrata a Catalina!
Lu me' cori ch'ha pientu
in dugna stascioni ch'anda,
asculta passa lu ‘entu
e l'amori l' accumpagna:
e Ti cilca sutt'a l'alba
fiurita di li fossi,
ti cilca illi zipressi
induriati da lu Soli,
Ti cilca undi so' l'ossi,
senza più dulori,
Ti cilca illi cuci
allegri o tristi
di li muri silenziosi,
undi l'amichi rosi,
bianchi e irrui si so' alzati,
come angiuli parati
a gualdia di lu Sonnu.
Oh! Eccu lu To' innommu
illi viori di la Cruci...!
Lu To' innommu amatu e Santu
E grazia di li luci
ch'in biddesa di fiddoli,
hai lacatu a lu me' cori
tra un pientu e tra un cantu!
Caterina Demuru Spissu
3° premio ex aequo 1959 (Gallurese)