Premio OzieriPremio Ozieri di Letteratura Sarda 

Utieri est in mesu, est in su coro
De un'isola ruza piantada;
Sa perla pius cara 'e Logudoro,
Chi s'America sarda fit giamada.

 

Nàrrere si podet sa terra promissa
Pro sa campagna ricca de ogni cosa:
Sos Furisteris a dimora fissa
Bi godin una vida fortunosa.

 

Dae s'antighidade pius lontana
Est Utieri (a umana memoria)
Chi produiat latte, trigu e lana,
E omines passados a s'istoria.

 

Produit baccas, caddos istallones,
Bitellos pro sa ratza premiados.
Non sun so produttores ciacciarones...
Cun vantaggiu a s'industria si sun dados.

 

Finidu su tressette, sa mariglia,
Leadu su gaffè a faccia franca,
Sa redina s'afferran de sa briglia,
Pè in istaffa, e partin a sa tanca.

De u'est su buttiru ispeciale,

chi curret brevettadu in Continente?
De ue cuddu ‘inu cordiale,
chi sos istranzos bi lassan sa dente?

 

De s’immensa sienda utieresa
Chi su padronu est unu cavaglieri
Cun sa berritta, tottu gentilesa,
(mezus de chie fumat in sumbreri).

 

Chi cando est passizende in Cantareddu
Saludat cun su risu ogni piseddu.

 

Giuseppe Raga
3° premio 1956 (Logudorese)

Torna all'inizio del contenuto