Premio OzieriPremio Ozieri di Letteratura Sarda 

Ses Otieri terra tantu digna
chi pro sorte s'antigu collocadu
t' at in coro 'e sa nobile Sardigna.

 

Sas Musas t' an sos fizos allattadu,
dendelis, cun sa 'oghe armoniosa,
unu dulche limbazu, delicadu.

 

Tempera forte, de zente operosa,
chi tenes bantu d'esser nominada:
«Tzittadina 'e progressu, industriosa».

 

Tenes costante, in coro inserrada,
sa fid'antiga de sos babbos mannos,
ch'iras e bentos no an intaccada.

 

E pro custa, devota, in riccos
pannos, solennizzas sa Mama
Protettora rimediu seguru 'e sos affannos.

 

S'Immaculada, Virgine Signora,
ti ricumpensat gai, a larga manu,
in totu sos momentos, a dogn'ora.

 

E beneighet su trabagl' umanu,
su populu, sa terra, sos masones,
cun grascias e favores fittianu.

 

E ti dat su sustentu a sas persones,
sa paghe, sos cunfortos de su coro,
cantu bramas, disizas e propones.

 

Canta Otieri! Canta versos d'oro,
cun sentimentu sardu e melodia
in s'antigu limbazu 'e Logudoro.

 

Fagh'intender sa santa «Ave Maria»

 

Nanni Marchetti (Bonorva)
1° premio 1956(Logudorese)

Torna all'inizio del contenuto