A su fradile pastore Pedru Luisi Manca
Unu saludu dae Olanda

Pedru Luisi
in poetica 'isione
Ti bido in su paris de Sa Mola

Andande calmu fatu 'e su masone.
Mentras su sole a cudd'ia che colat

Pintat sas nues cun pinzellu divinu
Su Pintore de sa divina iscola.
Colores de oro
rosa e purpurinu

Tintas chi no b'at pinna a las discrier

Sas mesas lughes de iscurigantinu.
Funes de sole chi solen iscrier
Sa groria de su Mastru Soberanu

Pro sos simpritzes chi la cheren bier.
E tue
chi de coro no ses vanu

Miras cussas bellesas incantadu

Sas maravizas de cussu seranu.
Intantu
lenu
atesu
s'est pesadu
Su cantu de un'ateru pastore
Chi su tazu a cuile ch'at ghiadu.
E ite cantat? Sa gioia? Su dolore?
Cantat
de sa natura in cussa paghe

Punghentes disizos de amore?...
E da sa sedda s'antigu nuraghe
Mirat in selentziu misteriosu

Sos umanos peleos e ambaghes.
Firmu in su sou solenne reposu
At sa fua de sos seculos bardadu

Su currer de su tempus afannosu...
Ma in custa 'isione ilbariadu

Mi assabesco chi soe sognande

E a sa dura realtade so torradu.
Sa Sardigna lontana suspirande
Che un'anzone chi s'ama at perdìdu

So innoghe debadas meledande.
S'omine
naran
a inue est naschidu
Semper punnat
e a sas raighinas
Chi nd'an sa pertenensia detzididu.
Beni est perdeu! Ma a custa dotrina

Chi patria est una ebia... no bi creo...
Ca a esser discuntentu mi distinat!
E discuntentu no cherz' esser deo!
Ma lu soe si a unire in d-unu zassu
Sardigna e Olanda debadas peleo!
E
de su restu
dae altu a bassu
A istare dogni die a s'anda e torra

No bi la fato ca 'e bussia so'iscassu!
Duncas... creo siat mezus chi aporra
A su coro inchietu unu refugiu

Faghinde a sa moda 'e sa tzontzorra:
Issa
siat in sa lughe o in su bugiu

Semper est in totue in domo sua
Ca l'at
sa domo
ligada a su tugiu!
Gai a s'emigradu
si in coro la cuat
Sa patria bera
ammentos e isetos

Dolet prus pagu cuss'antiga bua.
De goi
renoande sos caros afetos

Tzesset su piantu
torremus a rier!
............................
Ti saludo fradile
a mezus bier!
Antiogu


Antiogu Cappai Cadeddu
Visseringweg 60
1112 AT-Diemen
Olanda

Logu e data de naschida:
Iscanu Monteverru
su 29 de magiu 1943

Tel. 00312041613 13
e-mail: Questo indirizzo email è protetto dagli spambots. È necessario abilitare JavaScript per vederlo.