A su caddu 'e Sardinna

Fortzis ti ant postu manu in logu istranzu

bessidu da padente a fune isorta;
assora abitos tuos ant dadu orta

faghindedi pro s'omine cumpanzu.

Li ses istadu azudu in tempus lanzu

in sas mutas de arinzos e regorta

ogandechelu da ficcada morta

cun oras de recreos e badanzu.

Annestrios
andantzas e manizos

retzidos cando ancora fis achettu

ti ant mudadu e bestidu cun decoro.

Donzi sardu ti jughet in su coro

mentovadu cun istima e rispettu
erghes
ischidas bisos e disizos.