lnue, sempre cun lanza fortuna
s'opera rendet, cun callosa manu,
zappat e zappat, dae su manzanu
a tardu sero; a bortas a sa luna .
Guasi a tempus de segundu affundat
su grae ferru: surdu unu rumore
sighit su mottu: calidu suore
in sa cara, che lagrimas, l'abbundat.
Zedit sa terra a su corpu: la tirat
e interrat su semene: l'est caru,
chi no li 'essat astrintu né giaru;
l'amminudat, la pulit, e la girat.
E gai totta vida, a s'alza e fala,
gighet in brazzos, a su pista pista,
sa rughe sua de attarzu, trista,
a duas attas: una morte mala!
Cando su sero ret:uit, chi appena
reu si podet mantenner, in logu
de haer calchi sollievu, fogu
si bastat no agattat e né 't hena .
«Cust'est sa pena mia, est su castigu
de ogni zappadore, chi a sigherru
tirat e campat, barriu 'e ferru,
narat: che cunde1:'1nadu a vida antigu».
S'isat, cando si dormit, in su campu
consoladu 'e pane, in sos laores
bettados e regortos a motores
e cun paga fadiga; e tottu a lampu.
Ma sun sonnos ebbia: 'idet chi ancora
su zappu lu persighit: abberit
sa sepoltura sua, e lu coberit
sa piedade umana a s'ultim'ora.