A CHIVIU

Duarche sena fizos ne melittos
Duarche sena mutos ne arzolas
Duarche sena luna ne amores
in 'ias de paza sena paza.
Pianghe Funtana Mazore
sos fizos istittados
istellados a s'isperu .
Isperu ...
Ranchidos àidos a padru de mindas
a bertulas intibidas de neulas.
"Si no has chivarzu fizu ses iscial,l!"
Isbagantadu n'de l'aian da -e "Terra 'e prata"
bezzu iscarzonadu e preugosu
a pedulare peri sos cuiles
azigu 'e giotta pro sustentu.
Murrunzadu in eresia
negat sa cumpanzia in izzilleri
- no sa feghe
sa feghe no si lampia'soddu
ma bi la faghian ingullere
in luminarzu istentaridu.
"Ciquito lindo"
l'ait paralumenadu sa canaglia
e a trisca lu traghian'a pedra.
Sos fedales e sa ghenga, de un'orta
sutta - sutta nd'e fin a bentre-prena
accossados da -e sempere
palas a "Santa Rughe"
e modellados da-e sa 'ezzesa
a monimentu de una vida campiazada
siddada a su connotu e a luminarzu