FOZZA DI VIDDA

Canti volthi aggiu pientu,
chena fammi vidè,
cu lu tuimentu
di pinsamenti fei,
chi mi purthaban i
a ifrisà li cunfini di la vidda!
Mi paria d'assè in fondu a un pozzu,
un pozzu chena fondu :
vidia, abbaiddendi in althu ,
un'aizu di luzi,
e intindia calche rumori:
ischimuzi di vidda luntana
purthaddi da lu ventu.
M'intindia incaddenaddu
a chissu buggiu,
no ridiscendi nè a azzà
nè a dumandà agg i uddu,
cunvintu chi nisciunu
m'abia pududdu intindì.
Calche voltha aggiu ciamaddu
finz'a Deu,
ma m'è paruddu troppu luntanu,
o fossi soggh'eu luntanu
da la viridai ...
o fossi fazi finta di no intindimmi,
acchi debu ridisci a la sora
a acciappà la fozza
di buggazzi da l'intragni
lu pinsamentu ...
chi la vidda meia ... è un tuimentu!