A Cabras.

Istagnos e mare asa a ponente
ue ciappas risorsas de continu,
a s'atra, coltivadu has su terrinu
cun olias e binzas frequente.

Has puru lore bellu e produente'
baccas e boes, bestiame ovinu,
pische in centidade e poi binu
premiadu pro fina in Continente.

Manna sa idda, gentile, ospitale,
de sana, forte istirpe és populada
e pro bellesa femminea s'aguale

no agatas in attera contrada:
Costa, in s'opera immortale
tened "Sa bella e Cabras"mentovada.

Mario Cossu
Via Nazario Sauro.
Cabras, 22 Agosto 1957.