Informazioni sull'opera

TESTO


BELLA FAGHEFARINA
Non sighis sa faina
bolende a sa lizera,
bella faghefarina,
a prima 'era:
ma passas in s'aera
che puma puzonina
gioghende cun sa frina
passizera.
Simile a calarina
in tempus de calore,
curres dae s'ispina
a su fiore:
calighes de !icore
de chentu carraffinas
nde gustas che reina
de s'amore.
Ma cand'enit sa sera
perdes, cun su lugore,
che fioccu 'e niera
ogni colore;
restat sa fainera
abe, tott'in suore,
a cumponner dulzores
cun sa chera.

 

SCHEDA DELL'OPERA
Titolo Bella faghefarina
SezionePoesia
AutoreLeonardo Iddau
Nome 
Anno1989
Argomento 
Descrizione 
Lingua 
EditorePremio Ozieri
ContributoreATHENA SRL
Tipo 
Formato 
FontePremio Ozieri
RelazioneConcorso Premio Ozieri 1989
CoperturaLogudoro, Sardegna Italia
DirittiComune Ozieri, Premio Ozieri
Analisi del Testo