BOLÈMU ESSI

In su pitìccu mundu miu,
bolèmu essi unu poeta,
hem'a bolli bivi,
in is arremòrius de su bèntu de arèna . ..
in su desèrtu,
morri in s'anima,
de unu mònti abbruxèndi,
essi in is cusciènzias,
prus umànas e sensìbilis ...
a is sufferènzias,
essi in is mànus de is pòburus,
chi cun sa fòrza de sa vìda ...
spàniant in sa terra ...
is sèminis de sa benediziòni,
e in su coru de is nùis,
chi si sciòllint ...
in milli luxèntis fantasìas,
e in is ràjus chi colòrant,
is immènsus sprìgus de is ocèanus,
e is ògus e is pilus de unu pipìu.
Hem'a bolli essi innòi e in dògna lògu,
in su princìpiu miu,
s'òi de cràsi chi fòrsis . ..
no adèssi pruìni,
in su pitìccu mundu miu,
bolèmu essi unu poeta,
in d'unu mundu prus mànnu,
bolèmu essi ... unu zèrriu.