Informazioni sull'opera
TESTO
IS COLORIS DE CASTEDDU
Su velludu iscuriosu de sa notti s'est pesau
torrant a lugi is arroccas de turris et bastionis.
Spanigat.
Et in su mentres chi su soli s'arziat
et sa calugertola, movendisì ne is tupas birdis
iscaccadas de trinu,
bessit pò assorinai,
comenti 'e bremi asuba 'e sa folla,
arrimendisì fattu, fattu.
Is grogus tuus, oh Casteddu!
S'isprassant cun s'asulu
ammesturau de su celu e de su mari.
Aici, corcada
in sa biancura lugenti de is arenas
chi ti serbint de lenzoru,
alluinas sa vista a is piscadoris.
Chini scit comenti t'at a biri su cau,
chi, bolendi peri su logu,
in su calai de sa dì,
ponit truminu a su spantu.
SCHEDA DELL'OPERA
Titolo | Is coloris de Casteddu |
Sezione | Poesia |
Autore | Giuseppe Corona |
Nome | |
Anno | 1988 |
Argomento | |
Descrizione | |
Lingua | |
Editore | Premio Ozieri |
Contributore | ATHENA SRL |
Tipo | |
Formato | |
Fonte | Premio Ozieri |
Relazione | Concorso Premio Ozieri 1988 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |